Telefon həyatınızı xilas edə bilər
Piyada keçidlərindən keçmək istəyən insanlara tövsiyəm var, belə halda telefonunuzun işığını yandırıb, gələn maşınlara tuşlayın. Dünən mən həyatımı belə xilas etdim.
Axar.az xəbər verir ki, bu sözlərlə təhsil eksperti Etibar Əliyev çıxış edib.
Ekspert bildirib ki, piyada zolaqlarını avtomobil sürücüləri görmür. Bu səbəbdən də piyada vurulma halları yaşanır:
"Bu piyada keçidininin şəklini qaranlıqda məni az qala maşın vururdu deyə çəkmədim. Zülmətin içərisində bu keçidi sürücülər görmür. Bəlkə Nəqliyyatın İntellektual İdarəetmə sisteminə bu da daxildir. Mənim belə piyada keçidlərindən keçmək istəyən insanlara tövsiyəm var: belə halda telefonunuzun işığını yandırıb, gələn maşınlara tuşlayın. Dünən mən həyatımı belə xilas etdim.
Bu piyada keçidi "Neftçilər" metrostansyasından yarmarkaya gələn yoldadır".
