“İran nüvə silahı hazırlayır və bu, dinc məqsədli deyil” – Gözlənilməz ETİRAF

İran Atom Enerjisi Təşkilatının keçmiş rəhbəri Fereydoun Abbasi-Davani müsahibəsində İranın atom bombası hazırlamaq üçün sistem qurduğunu elan edərək, İranın nüvə işinin qətiyyən dinc xarakter daşımadığını bəyan edib.

Sfera.az Türkiyə mediasına istinadən xəbər verir ki, Avstriyanın paytaxtı Vyanada İranla nüvə sazişinin tərəfləri olan Rusiya, Çin, İngiltərə, Fransa və Almaniya arasında razılaşmaya qayıtmaq üçün danışıqlar yenidən başlayıb. Danışıqların başlamasına bir neçə saat qalmış İran Atom Enerjisi Təşkilatının keçmiş rəhbəri Fereydun Abbasi-Dəvaninin İranın nüvə silahları ilə bağlı verdiyi müsahibə çaşqınlıq yaradıb.

İslam Respublikası Xəbər Agentliyinin təqdim etdiyi müsahibədə ötən il öldürülən və İranın nüvə silahını hazırladığı iddia edilən Fəhrizadənin həyatının naməlum tərəfləri üzə çıxarılıb.

Abbasi-Dəvani İranın böyük nüvə alimi Möhsün Fəxrizadənin öldürülməsinin birinci ildönümü münasibətilə dərc olunan müsahibəsində keçmiş həmkarının nüvə silahı üzərində işinə görə Mossad tərəfindən öldürüldüyünü açıqlayıb.

Qeyd edək ki, İran rəsmiləri illərdir Xamneyinin nüvə silahının hazırlanmasını qadağan edən fətvasını onun nüvə proqramının mülki məqsədlər üçün olduğunun sübutu kimi göstərirlər, lakin Abbasi-Davani araşdırmanın daha da irəli getdiyini və indi hərbi aspektə sahib olduğunu bildirib:

Əzizə Zeynal