"Bu proseslərin qarşısını almaq üçün terror törədilə bilər” - AÇIQLAMA
Kateqoriya məlum deyil
"Ermənistan Baş naziri Nikol Paşinyanın Türkiyə ilə yaxınlaşmaq siyasəti və müsbət mesajlar verməsi, Ankara-İrəvan arasında yeni bir mərhələyə gətirib çıxara bilər".
Sfera.az bildirir ki, bunu politoloq Məhəmməd Əsədullazadə deyib. Onun sözlərinə görə, tərəflər arasında mümkün danışıqlar davam edir:
"Azərbaycan da iki ölkə arasında münasibətlərin normallaşmasına müsbət baxır. Belə olan təqdirdə Rusiya çalışır ki, Paşinyanın bu siyasətinin qarşısını alsın. Ermənistanda bu proseslərin qarşısını almaq üçün terror ola bilər”.
M.Əsədullazadə xatırladıb ki, vaxtikən Ermənistanda yeni bir siyasi mərhələnin başlanmasını terrorla müəyyən qüvvələr qarşısını alıb və indi də eyni ssenari mümkündür.
Günay Rəsulqızı
Sfera.az
