“Donbass planı masadadır” – Ukranya rəsmisindən “Rusiyadan cavab gözləyirik” açıqlaması

Ukrayna Rusiyanın Donbassda vəziyyətin nizamlanması  planını təsdiqləməsini gözlədiyini bəyan edib.

Sfera.az "Ukrinform" agentliyinə istinadla xəbər verir ki, bunu Ukrayna prezidentinin ofis rəhbəri Andrey Yermaksöyləyib.

Plan Almaniya və Fransa tərəfindən hazırlanaraq Ukrayna tərəfindən təkmilləşdirilib. Yermakın sözlərinə görə, sənəd Minsk razılaşmasının prinsiplərinə cavab verir və beynəlxalq hüquq normalarına uyğundur.

"Sülhməramlı plan masadadır. Rusiya Federasiyasından da eyni mövqeyi gözləyirik", - deyə o bildirib.

Yermak bunun "çox ciddi bir addım" olduğunu və "bir-iki həftədən sonra qızğın müzakirə mövzusu" olacağını vurğulayıb.

"Amma Rusiya sənədlə razılaşmasa, bu onun  Donbasda müharibənin bitməsini istəmədiyindən xəbər verəcək”,- deyə Ukrayna prezidentinin aparat rəhbəri əlavə edib.

Selcan