“Onu dilə tutan mən deyildim" – Yeltsin necə istefa verib?

Rusiya Federasiyasının ilk prezidenti Boris Yeltsinin istefasının təfərrüatları məlum olub.

Sfera.az-ın məlumatına görə, Siyasi strateq Qleb Pavlovski Rusiyanın ilk prezidenti Boris Yeltsinin 1999-cu ildə istefaya çıxmasının təfərrüatlarını açıqlayıb.

"Bu fikir mənim seçki ssenarimdəndir. Bu ssenari ilə bağlı 1999-cu ilin yayında o zaman baş nazir olan Vladimir Putinin iştirakı ilə qərargah heyətinin dar çərçivədə keçirilən iclasında məruzə etmişdim. Plan qəbul olunub realizə edildi”,- deyə Pavlovski bildirib.

Pavlovski qeyd edib ki, "Əlbəttə, Boris Nikolayeviç, getməyə tələsmirdi", amma "1999-cu ildə keçirilən Duma seçkilərinin nəticələrini gördükdən sonra sakitləşdi və planın son hissəsi ilə razılaşdı."

"Amma təbii ki, onu dilə tutan mən deyildim"- deyə, siyasi strateq vurğulayıb.