"Aprel döyüşləri zamanı ermənilərin zərər vurduğu abidələr bərpa ediləcək"
Sfera.az bildirir ki, bunu report-a açıqlamasında Dini Qurumlarla İş üzrə Dövlət Komitəsinin sədriMübariz Qurbanlı deyib.
Cəbhə bölgəsində dağıdılan bütün obyektlərin siyahıya alındığını deyən M.Qurbanlı sərhədyanı bölgələrdə təmir-təmir tikinti işləri ilə bağlı tədbirlər görüldüyünü bildirib: "Azərbaycan Prezidenti İlham Əliyevin cəbhəyanı bölgələrə səfəri, vətəndaşlarla görüşləri, Tərtər və Ağdam rayonlarında aparılacaq bərpa işləri ilə bağlı xüsusi sərəncamla vəsait ayırması görüləcək işlərə təkan verib. Bərpa işləri çərçivəsində dağıdılan, zərər çəkən milli-mənəvi, dini dəyərə malik abidələrimizin hər biri bərpa ediləcək".
Komitə sədri bildirib ki, erməni vandalları bütövlükdə Dağlıq Qarabağda Azərbaycanın çoxsaylı tarixi abidələrini, ümumilikdə minə qədər abidəni dağıdıblar: "Dağıdılan abidələrin içərisində mədəniyyət abidəsi, tariximizi özündə əks etdirən etnoqrafik arxeoloji xarakterli abidələr də var. Milli-mənəvi dəyərlərimizi özündə əks etdirən, İslam dini ilə bağlı və digər dinlərə aid abidələr var ki, onlar da dağıdılıb. Erməni kilsəsi əslində xristianlığın da ayrı-ayrı cəryanlarına qarşıdır və bu vəhşiliyi onlara qarşı da tətbiq edir".
