Bayram süfrəsi nə qədər xərc tələb edir? – ŞƏRH

Bayramla əlaqədar olaraq bazarlarda canlanma yaranıb. Canlanma ilə yanaşı məhsulların müəyyən qədər bahalaşdığını da müşahidə edə bilərik. Bəs, bu bahalaşma bayram bazarlığına necə təsir edəcək?

Sfera.az bu barədə iqtisadçı-ekspert Natiq Cəfərlinin fikirlərini öyrənib.

O bildirib ki, bayram süfrəsi üçün maksimal vəsaiti hesablamaq mümkünsüz olsa da, təxmini olaraq minimal xərc söyləmək mümkündür:

"Çərəz, mer-meyvə, bişiriləcək xörəklər üçün lazım olan ədviyyat, tərəvəzləri də hesablasaq, bu məbləğin təxminən 150 manat civarında ola biləcəyini demək olar. Nə qədər vəsait xərclənəcəyini dəqiq demək bir az çətindir. Çünki süfrədəki bolluq şəxsin cibindəki məbləğə bağlı məsələdir”.

Hazırda bayram yarmarkalarındakı qiymətləri sizə təqdim edirik. Bu qiymətlərə baxaraq, Novruz bayramı üçün nə qədər vəsait ayırmalı olduğunuzu özünüz də təxmini hesablaya bilərsiniz:

Portağal - 1.80 manat

Alma - 1.50 manat

Mandarin - 2.50 manat

Ananas - 6 manat

Kivi - 2.50 manat

Pomidor - 5 manat

Xiyar -  4 manat

Badımcan - 2 manat

Səməni - 1 manat

Armud 3.50 – 4 manat

Şabalıd – 10 manat

Püstə - 22 manat

İydə - 5 manat

İnnab - 6 manat

Təmizlənmiş badam – 22 manat

Qoz ləpəsi – 16 manat

Fındıq ləpəsi – 15 manat

Kişmiş – 8 manat

Ət - 12 manat

Nigar Məhərrəm

Sfera.az