Ermənistanın Gəncədə törətdiyi növbəti terrordan bir il ötür: O gün nələr baş vermişdi? - VİDEO
Vətən Müharibəsi zamanı Gəncənin Ermənistan tərəfindən növbəti dəfə raket hücumuna məruz qalmasından bir il ötür.
Sfera.az xatırladır ki, Müdafiə Nazirliyi 2020-ci ilin oktyabrın 11-də gecə saat 02:00 radələrində Ermənistan ərazisindən Gəncənin ballistik raket hücumuna məruz qalması barədə açıqlama yaydı.
Oktyabrın 10-dan humanitar atəşkəs rejiminin tətbiqinə başlansa da, düşmən dinc sakinləri atəşə tutdu və hədəf olaraq Gəncə seçildi. Düşmənin çoxmənzilli yaşayış binalarını raket atəşinə tutması nəticəsində dördü qadın olmaqla 9 nəfər şəhid oldu, 34 nəfər müxtəlif dərəcəli xəsarətlər aldı. Daha sonra yaralananlardan biri xəstəxanada dünyasını dəyişdi. 10-dan artıq çoxmənzilli binaya və 100-dən çox müxtəlif təyinatlı obyektə ziyan dəydi.
Gəncənin Ermənistan silahlı qüvvələri tərəfindən atəşə tutulması nəticəsində yaralananların ümumi sayı 130-a yaxındır. Oktyabrın 4-ü 33, 5-i 3, 11-i 34, 17-si 55 nəfər yaralanıb.
Sfera.az 11 oktyabrda törədilən terror hücumu ilə bağlı görüntüləri təqdim edir:
