Rusiyanın 42 yaşlı Azərbaycan əsilli aparıcısı Svetlana Zeynalova "Successful Ladies Awards" mükafatının "Rusiyanın ən yaxşı aparıcısı" nominasiyasında qalib gəlib.
Sfera.az qafqazinfo-ya istinadən xəbər verir ki, mükafatlandırılma mərasimində aparıcını dəstəkləməyə gələnlər arasında qeyri-rəsmi nikahda yaşadığı həyat yoldaşı Dmitri Lenski də olub. O, səhnəyə qalxan Svetlananı telefona çəkib.
"Əməyimi dəyərləndirdiyiniz üçün təşəkkür edirəm. Çox sağ olun", - Zeynalova ona dəstək olanlara minnətdarlığını bildirib.
Qeyd edək ki, S. Zeynalova "Birinci kanal"ın efirində yayımlanan "Dobroye utro!" verilişinin aparıcılarından biridir.
