Bakı sakinlərinin çoxdan gözlədiyi hadisə
Pulsuz Wi-Fi sisteminin ictimai yerlərdə quraşdırılması məsələsi gündəmdədir.
Ölkəmizdə ictimai yerlərdə hər il pulsuz Wi-Fi sisteminin quraşdırılması söz verilsə də,
amma nədənsə, bu proses uzadılır. Şəhər parklarında və digər məkanlarda gəzib dolaşdığınız
vaxt internetə qoşulmaq istəsək də, təəssüf ki, bu, mümkün olmur. Mobil operatorların İnternet
paketləri də ucuz deyil ki, hər kəs onlardan istifadə edə bilsin. Bir çox kafe və restoranlar müştərilərə
pulsuz Wi-Fi təqdim edir, lakin bundan faydalanmaq üçün mütləq masa arxasında əyləşib sifariş vermək
lazımdır. Belə olan halda, tam pulsuz Wi-Fi sisteminin ölkəmizdə nə vaxt tətbiq olunması problemi ilə
üz-üzə qalırıq.
ANS PRESS-in məlumatına görə, hələ ötən ildən dayanacaqlarda, avtobuslarda, Dənizkənarı Bulvarda və s.
kimi ictimai yerlərdə Wi-Fi sisteminin tətbiq ediləcəyi ilə bağlı məlumatlar verilsə də, amma görünən
budur ki, hələ də vədlərə əməl olunmur.
"Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev
deyir ki, hazırda metroda pulsuz internet xidmətinin tətbiqi məsələsi gündəmdə deyil və bununla bağlı
müzakirələr aparılmır: "Hazırda metroda pulsuz internet məsələsi ilə bağlı konkret heç bir şirkətlə
danışıqlar, müzakirələr aparılmır. Odur ki, metroda belə bir sistemin nə vaxt quraşdırılacağı barədə
də konkret zaman deyə bilmərəm".
Nəsimi Paşayev - "Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi
Dənizkənarı Bulvar İdarəsinin rəis müavini Nazim Məcidov hazırda parkın bir çox yerlərində obyektlərdə
WİFİ şəbəkəsinin olduğunu dedi. Onun sözlərinə görə, əhali üçün Bulvarın bütün ərazisində bu sistemin
quraşdırılması yaxşı olardı, amma bu işlər Rabitə və Yüksək Texnologiyalar Nazirliyi səyi nəticəsində
həyata keçirilə bilər.
Nazim Məcidov - Dənizkənarı Bulvar İdarəsinin rəis müavini
Nazirlikdən aldığımız məlumata görə isə, Dənizkənarı Bulvar ərazisində hazırda pulsuz wifi sisteminin
quraşdırılması məsələsi müzakirə obyekti deyil.
"Bakubus"-ın mətbuat xidmətinin rəhbəri Nuridə Allahyarova açıqlamasında avtobuslarda bu sistemin
quraşdırılması bu ilin birinci rübündə yekunlaşacaq. "Bizim avtobuslarda sistem fəaliyyət göstərir.
Sadəcə, biz tender elan etmişik. Hansı şirkət qalib gəlsə, onun wi fi-dan istifadə ediləcək. Biz keyfiyyətli
sistem istəyirik. İstəmirik ki, sərnişinlər internetdən istifadə edərkən, əziyyət çəksinlər. Avtobuslarımızda
maksimum yüksək keyfiyyətli wifi olacaq", - deyə Nuridə Allahyarova əlavə etdi.
Nuridə Allahyarova - "Bakubus"-ın mətbuat xidmətinin rəhbəri
Qeyd edək ki, ötən il Baku 2015 ilk Avropa Olimpiya oyunları zamanı Dənizkənarı Parkda,London taksilərində,
avtobus dayanacaqlarında, habelə bir sıra digər məkanlarda pulsuz İnternet təqdim olunmalı idi. Lakin
bir çox məkanlarda bu Wi-Fi şəbəkəyə rast gəlinmir.
Nəqliyyatın İntellektual İdarəetmə Mərkəzinin (NİİM) mətbuat xidmətinin sabiq rəhbəri Şəfa Mehmanqızı
"Bakı Taksi Xidməti" MMC-yə məxsus olan taksilərə quraşdırılacaq sistem ilə bağlı hazırlıq işlərinin
getdiyini və bu ilin sonunadək bu istiqamətdə işlərin yekunlaşacağını bildirib.
Nazirliyin ictimaiyyətlə əlaqələr şöbəsinin rəhbəri Namiq Həsənov isə I Avropa Olimpiya Oyunları ilə
əlaqədar olaraq 2015-ci ildə bütün dayanacaqlarda Wi-Fi quraşdılacağını vurğulasa da də, gördüklərimiz
bunun əksini deyir.
Azərbaycandan fərqli olaraq, xarici praktikaya nəzər salsaq, görərik ki, pulsuz Wi-Fi zonaları, demək olar
ki, ölkənin hər bir sahəsini əhatə edir. Məsələn, 2000-ci illərin əvvəllərindən xarici ölkələrdə bu sistem
istirahət parkları, metro stansiyaları, idman mərkəzləri, təhsil ocaqları, intensiv hərəkətli küçələrdə və s.
məkanlarda quraşdırılmağa başlanılıb. Kütləvi şəkildə həyata keçirilən bu addımlarda məqsəd həmin
ölkənin və ya şəhərin daha inkişaf etmiş olduğunu göstərmək olub. Wi-fi sistemini ictimai yerlərdə yayan
ilk ölkələr bunlardır:
ABŞ-ın Kentukki ştatında isə qəbirstanlıqda da bu möhtəşəm sistemə rast gəlsəniz, təəccüblənməyin. Belə ki, Oak Grove qəbiristanlığının rəhbərliyi bu ərazidə dəfn edilmiş insanların qohumlarını qeyri-adi ideya ilə şoka salıb. Baş daşıların bir hissəsi QR-kodlövhəcikləri ilə təchiz olunub ki, insanlar mərhuma aid səhifəyə keçib onun haqqında ətraflı məlumat ala bilirlər. Bunun sayəsində mərhumun həyatı haqqında məlumat almaq, onun şəkillərinə baxmaq və ya hətta qonaq kitabında öz başsağlığını vermək mümkün olur.
ABŞ-ın Kentukki ştatında qəbirsanlıqda Wİ-Fİ sisteminin tətbiqi
Kentukki, ABŞ
Wİ-Fİ - kompüterlərin şəbəkəyə birləşdirilməsi və yaxud internetə qoşulması üçün müasir simsiz texnologiyadır. Texnologiya eyni vaxtda onlarla istifadəçinin bir şəbəkədə işləməsi üçün şərait yaradır. Məhz bu texnologiya vasitəsilə internet mobil olaraq istifadəçiyə istər bir otaq hüdudlarında, istərsə də bütün dünyada sərbəst hərəkət imkanı təqdim edir. Odur ki, yuxudan oyanan kimi əlimizi ilk növbədə mobil telefona uzadan bir cəmiyyətdə yaşayırıqsa, ictimai yerlərdə, əhalinin daha çox yığışdığı məkanlarda bu sistemin olması zəruridir.
