“Facebook” virtual reallıq texnologiyasını inkişaf etdirir
Kateqoriya məlum deyil
"Facebook” şirkəti diqqətini virtual reallıq texnologiyalarına cəmləşdirməyi planlaşdırır.
Sfera.az Lent.az-a istinadən xəbər verir ki, belə bir bəyanatla bu gün "Facebook”un texniki direktoru Mayk Şrepfer çıxış edib.
Onun sözlərinə görə, hazırda şirkətin mühəndis və proqramçıları cihazın yaxşılaşdırılması, xüsusilə də virtual reallıq eynəkləri və dəbilqələri üzərində fəal işləyirlər. Onlar yaxın gələcəkdə istehsalda daha ucuz olmalı və daha keyfiyyətli qrafik görüntü göstərməlidir.
M.Şrepfer həmçinin əminliyini bildirib ki, bu texnologiya intellektual sistemlərin qarşılıqlı əlaqəsi üçün əsas yollardan biri olacaq.
