Canlı efirdə sehirbazın göstərdiyi tryuk uğursuz alındı
Kateqoriya məlum deyil
Verilişin aparıcısının əlinə mismar girdi.
Polşada sehirbazın canlı yayımda göstərdiyi tryuk
uğursuzluqla nəticələnib.
Sfera.az-ın
məlumatına görə, sehirbazın göstərmək istədiyi illuziyada aparıcının əli
deşilib.
Polşa telekanalının canlı efirində sehirbaz
"ecazkar" nömrə göstərərək, kağız paketlərdən birinin içinə şaquli
qoyulmuş mismar gizlədib. O, kağızları qarışdırıb. Daha sonra sehirbaz
kağızlardan birini əli ilə partladıb və əli salamat qalıb.
O, növbəti dəfə aparıcı Marzena Rogalskanın
əlini kağızlardan birinə vurub və əmin olub ki, onun da əli salamat qalacaq.
Lakin qəfildən aparıcı qışqırmağa başlayıb. Çünki mismar aparıcının əlinə
girib.
Verilişin prodüsseri bildirib ki, aparıcı dərhal
tibbi yardım üçün müraciət edib.
