Dil bilməyənlər üçün səyahəti asanlaşdıran icad - FOTOLAR
Corc, Stiven və Florian adlı 3 macərapərəst öz icadları ilə dünyanı heyrətləndiriblər.
Publika.az xəbər verir ki, dil bilmədikləri üçün getdikləri bir çox ölkədə problemlə üzləşən səyahətçilər işlərini asanlaşdıracaq vasitələr tapmağa çalışarkən ağıllarına maraqlı bir fikir gəlib.
Onlar sonuncu dəfə Vyetnamda ac qaldıqdan sonra "IconSpeak” adlı layihələri üzərində işləməyə başlayıblar.
"IconSpeak” dedikdə üzərinə səyahət zamanı ən çox lazım olan vasitələrin (qida, su, yanacaq, müxtəlif alətlər və s. ) simvolu yerləşdirilmiş kofta və ya mayka nəzərdə tutulur. Olduqca sadə olan bu vasitə sayəsində dünyanın bütün ölkələrində dil bilmədən səyahət etmək mümkündür. Koftanın üzərinə yerləşdirilmiş simvolların bir neçəsindən eyni anda istifadə edərək nəzərdə tutulan fikri başa salmaq olur.
