No Image

“MƏNƏ QOHUMLUĞU DA ÇATIR...” – Mənsimovdan Hadı Rəcəbliyə növbəti “facebook zərbəsi”

“MƏNƏ QOHUMLUĞU DA ÇATIR...” – Mənsimovdan Hadı Rəcəbliyə növbəti “facebook zərbəsi”

"Mediada Hadı Rəcəblinin şərhimə münasibətini gördüm. O, Lənkaran rayonun Viravul kəndində doğulub və bəlkə mənə qohumluğu da çatır. Bir insan kimi hörmətim var. Amma millət vəkili kimi bu vəzifəyə uyğun deyil”.


Sfera.az-ın məlumatına görə bu sözləri deputatlığa namizəd Hadı Rəcəbli ilə aralarında yaranmış söz atışmasına cavab olaraq "Palmali” Şirkətlər Qrupunun prezidenti Mübariz Mənsimov özünün facebook hesabında yazıb.


"Hadı bəy 24 ildir deputatdır. Amma seçicilərinə bir xeyri dəymədi, əksinə, maaşlar, pensiyalar və uşaq pulları ilə bağlı yersiz bəyanatları ilə yadda qaldı. Deyir ki, namizədliyini YAP irəli sürüb. Lap yaxşı. Lakin əvvəllər də hakim partiyanın Lənkərandan və ümumiyyətlə, cənub rayonlardan seçilən millət vəkillərinin insanlara heç bir xeyri dəyməyib və onlar yalnız öz mənafelərini güdüblər. Bir dəfə də olsun seçicilərin yanında olmadılar. İndi isə səs üçün qapı-qapı gəzirlər. Sözüm odur ki, demokratik seçkilərdə şansları "0”-a bərabərdir”.

 

Mübariz Mənsimov özü ilə bağlı da çoxlarına bəlli olmayan məlumatları ictimailəşdirib: "Türkiyə vətəndaşı olsam da, bir çox bağlarla Vətənimə bağlıyam. Ona görə bütün prosesləri izləyirəm. Hadı bəy hakim partiyaya arxalanaraq yazır ki, məni partiya seçib. Deyim bilin, mən MHP-nin üzvüyəm amma Rəcəp Tayyib Ərdoğanla münasibətimiz əladır. Mənim böyük qardaşımdır, hörmətim hədsizdir. Amma mən AKP yox, MHP-çiyəm. Bunu da açıqca bəyan edirəm. Milliyyətçiyəm. Ruhum, baxışım budur. Mən partiyanı hansısa insana görə seçmirəm. YAP da, AKP də hakim partiya ola bilərlər. Heç kim və heç bir qurum ideal deyil, o cümlədən kimisə partiya seçirsə, bu onun müqəddəs elan edilməsi anlamına gəlmir. Əgər kimsə müqəddəs, dəyişdirilməsi qadağan olunan olsaydı, 2019-cu ildə ölkədə bu qədər istefalara şahid olmazdıq. Sözümü siyasiləşdirməyin. Demokratik seçkidən xalq, dövlət, ölkə yalnız qazanacaqlar. Fuad Abbasov, Qənira Paşayeva, ziyalılar, aydınlar, gənclər, adlarını çəkmədiyim çoxlu sayda dəyərli namizədlər var. Şans verin, onların xalqa xidmətlərini görək. Mən bir paylaşım edən kimi imkansız, əlacsız insanlar yazmağa başlayırlar. Ümid edirəm ki, seçkilərdən sonra vəziyyət dəyişəcək və onlar öz vəkillərinə yazıb real kömək alacaqlar. Deputat - "elçi göndərilmiş” deməkdir. Xalqınızın elçisi olun, məmurların yox. Xalqın cibinə girənləri, rüşvətxorları, harınlamış məmur övladlarını ifşa edib onların cəzalandırılmasına nail olun.O zaman əsil Elçi olacaqsınız”.

 

 

Orxan

Sfera.az

OXŞAR XƏBƏRLƏR

Koronavirusla bağlı şaiyə yayanlar həbs edilə bilməz – Hüquqşünasdan açıqlama

"Əslində burada söhbət hansı subyektin yalan məlumat yaymasından gedir”. Sfera.az-a açıqlamasında bu sözləri Baş Prokurorluq və Daxili İşlər Nazirliyini...

Aİ-92 markalı benzin niyə ucuzlaşmadı? - Ekspertdən “bahalaşacaq” açıqlaması

"Azərbaycan hökuməti Aİ-95 və Ai-98 markalı benzinin qiymətini istehlakçılara qarşı sayğısızlıq olmasın deyə aşağı salıb”.   Sfera.az-a açıqlamasınd...

Dərslər yenidən təxirə salındı – NOVRUZ BAYRAMINDAN SONRAYA

  Koronavirus (COVİD – 19) infeksiyasının Azərbaycan ərazisində yarada biləcəyi təhlükənin qarşısının alınması məqsədilə təxirəsalınmaz tədbirlər davam et...

"Həmin ziyafətdə spirtli içki olmayıb, Çingiz Qənizadə bunu hardan çıxartdı?" - Abel Məhərrəmov

Milli Məclisin sabiq deputatı, akademik Abel Məhərrəmov keçmiş deputat həmkarı Çingiz Qənizadənin Speys TV-də yayımlanan "Sadə həqiqətlər” verilişində onun haqq...

“Özünüz də bilirsiniz, o adam kimdir...” – Maska və spirt qıtlığını kimlər yaradır?

"Özünüz də apteklərin kimə tabe olduğunu, kimin inhisarında olduğunu bilirsiniz. İndi həmin yoldaşın adını çəkmək istəmirəm. Həmin yoldaşın özü də bir qədər m...

Məktəblər iki həftəlik işini dayandırsın, həmin dərslər yayda keçirilsin - EKSPERT

"Məktəblər, universitetlər başdan-ayağa dezinfeksiya olunmalıdır”. Sfera.az-a açıqlamasında bu sözləri İrandan gələn koronavirus təhlükəsinin Azərbaycan...