No Image
No Image

Azərbaycanın ilk Baş nazirinin qətlindən 101 il ötür

Azərbaycanın ilk Baş nazirinin qətlindən 101 il ötür
Bu gün Azərbaycanın görkəmli dövlət xadimi, Xalq Cümhuriyyətinin qurucularından biri Fətəli Xan Xoyskinin qətlə yetirilməsindən 101 il ötür.

Cümhuriyyətin ilk baş naziri və xarici işlər naziri 1920-ci ilin iyunun 19-da Tbilisidə qətlə yetirilib.

Cümhuriyyətin süqutundan sonra Gürcüstan paytaxtına gedən F.Xoyskini millətçi "Daşnaksütyun” Partiyası, "Nemezis” terror təşkilatının üzvü Aram Yerkanyan arxadan vuraraq öldürüb. Müxtəlif tarixi mənbələrə əsasən, qətl şəhərin o vaxtkı Qolovin prospektində (indiki Şota Rustaveli prospekti) Opera və Balet Teatrı yaxınlığında və ya keçmiş İrəvan meydanı (indiki Azadlıq meydanı) yaxınlığında baş verib.

Atəş nəticəsində F.Xoyski hadisə yerində ölür, yanında olan AXC-nin keçmiş daxili işlər naziri Xəlil bəy Xasmməmədov isə ağır yaralanır. Xoyskinin hadisə yerində deyil, xəstəxanaya çatdırılandan sonra dünyasını dəyişdiyi qeyd olunan tarixi mənbələrə də rast gəlinir.

Erməni terrorunun qurbanı olan F.Xoyski Tbilisidə, Nəbatət bağı ərazisindəki müsəlman qəbiristanlığında, indiki görkəmli azərbaycanlıların panteonunda dəfn olunub. Panteonda 1920-ci ilin iyulunda Tbilisidə ermənilərin qətlə yetirdiyi digər azərbaycanlı dövlət xadimi - AXC parlamentinin sədr müavini Həsən bəy Ağayevin məzarı yerləşir.

Azərbaycanın ilk hökumət başçısının qətli ilə bağlı Tbilisidə nəşr olunan "Sakartvelo” (Gürcüstan) qəzetinin 23 iyun 1920-ci il sayında nekroloq dərc edilib. Gürcüstanın Milli Parlament Kitabxananasının dövrü mətbuat arxivində nəşrin həmin ilin iyun ayına aid sayları tapılmayıb. Mərkəzi kitabxananın fotoxronika bölməsində F.X.Xoyskinin Gürcüstanın ilk Demokratik Respublikasının hökumət üzvləri Noe Ramişvili, Akaki Çxenkeli və digərləri, AXC-nin Baş naziri Nəsib bəy Yusifbəyli, daxili işlər nazirinin müavini, yollar naziri olmuş İbrahim bəy Heydərovun da yer aldığı 1920-ci ilə aid kollektiv fotoşəkil saxlanılır. // "Report"


Sehliyali
Turan Bank

OXŞAR XƏBƏRLƏR

ATV-nin aparıcısının toyu oldu - FOTOLAR

ATV-nin aparıcısı Fərid Rəsulun toyu olub. Sfera.az xəbər verir ki, toy Neftçalada baş tutub. Pandemiyaya görə toylara qoyulan qadağaları nəzərə ala...

Şirvanda “patı” əməliyyatı: Beş nəfər saxlanıldı - FOTO

Şirvan Şəhər Polis Şöbəsinin (ŞPŞ) əməkdaşları tərəfindən keçirilən əməliyyat tədbirləri nəticəsində şəhər ərazisində psixotrop maddə olan "patı”və "şüşə” adlan...

Şahin Seyidzadə Qobustan Gənclər Mərkəzində qəbul keçirdi - FOTO

Milli Məclisin 50 saylı Abşeron-Qobustan seçki dairəsi üzrə deputatı Şahin Seyidzadə tərəfindən Qobustan Gənclər Mərkəzində fərdi vətəndaş qəbulu keçirilib. ...

Toyuna 1 həftə qalmış avtomobil qəzasında həlak olan gəncin FOTOLARI

Bu gün Lənkəranda ölümlə nəticələnən ağır yol nəqliyyat hadisəsi baş verib. Sfera.az xəbər verir ki, hadisə Lənkəran-Lerik yolunun Qurumba kəndi ərazisind...

Prezident Goranboyda avtomobil yolunun açılışında iştirak edib

Azərbaycan Respublikasının Prezidenti İlham Əliyev iyulun 22-də Goranboy rayonunda Əlirzalı-Xan Qərvənd-Səfikürd-Tapqaraqoyunlu avtomobil yolunun açılışında işt...

Naftalan şəhərində 200 yerlik körpələr evi-uşaq bağçası istifadəyə verildi - FOTO

İyulun 22-də Naftalan şəhərində 200 yerlik körpələr evi-uşaq bağçası istifadəyə verilib.   Sfera.az xəbər verir ki, Azərbaycan Respublikasının Preziden...