Azərbaycan əhalisinin daha çox hissəsinin aylıq gəliri 250-400 manat arasında dəyişir.

Sfera.az rəsmi məlumatlara istinadən xəbər verir ki, qeyd edilən intervalda gəlir əldə edənlər əhalinin 48 faizini təşkil edir.

Əhalinin 15,9 faizi 300-350 manat gəlirə sahibdir. Ayda adambaşına 270-300 manat gəlir əldə edənlər əhalinin 13,2 faizini, 250-270 manat gəlirə sahib olanlar 9,8 faizini, 350-400 manata sahib olanlar 9,1 faizini təşkil edib.

Gəliri 400 manatdan çox olanlar 14,2 faizdir. Bunlardan 3,5 faizlik hissənin gəliri 550 manat və daha artıqdır.

Ötən il yaşayış minimumu 190 manat müəyyən edilmişdi. 2020-ci ilin statsitikasına görə, əhalinin 11,8 faizi yaşayış minimum səviyyəsində və ondan az gəlirə sahib olub.

Vasif

Sfera.az