Respublika Hərbi Prokurorluğunda yeni təyinatlar olub.

Sfera.az xəbər verir ki, bu barədə Baş Prokuror Kamran Əliyev əmr imzalayıb.

Əmrə əsasən, Hərbi Prokurorluğun İstintaq İdarəsinin rəisi vəzifəsinə ədliyyə polkovnik-leytenantı Bəhruz Əhmədov təyin edilib.

Digər əmrlə ədliyyə polkovniki Rövşən Əfəndiyev Respublika Hərbi Prokurorluğunun Təşkilat və icraya nəzarət şöbəsinin rəisi, ədliyyə polkovniki Mehdi Hüseynzadə Hərbi Prokurorluqlarda istintaqa nəzarət şöbəsinin rəisi, ədliyyə polkovnik-leytenantı Nihad Şıxəliyev isə sənədlərlə və müraciətlərlə işin təşkili şöbəsinin rəisi vəzifələrinə təyin olunublar.

Bundan başqa, ədliyyə polkovnik-leytenantı Qəhrəmanov Şöhrət Qazaxəli oğluna Şəmkir hərbi prokuroru vəzifəsinin icrası həvalə edilib.