Nəsimi rayonunda karantin rejiminin tələblərinin yerinə yetirilməsi məqsədilə zəruri tədbirlər davam etdirilir
19:15 / 05.05.2020
5087
Yeni növ koronavirus (COVID-19) infeksiyasının ölkəmizdə daha geniş
yayılmasının qarşısının alınması ilə əlaqədar elan olunmuş xüsusi karantin rejimi
dövründə yaşı 65-dən yuxarı tənha yaşayan şəxslərə və aztəminatlı ailələrə dəstək
olmaq məqsədilə Nəsimi Rayon İcra Hakimiyyəti tərəfindən başlanılmış sosial
aksiya davam etdirilir.
Aksiya çərçivəsində icra hakimiyyətinin əməkdaşları tərəfindən qeyd olunan
həssas kateqoriyadan olan ailələlərə ərzaq məhsullarından ibarət sovqatlar
paylanılıb, eləcə də onlara infeksiyadan qorunmaq üçün şəxsi gigiyena qaydaları
və sosial təcridolmanın vacibliyi barədə məlumatlar verilib.
Göstərilən diqqət və qayğıya görə ölkə rəhbərliyinə minnətdarlıq bildirən
vətəndaşlar elan olunmuş xüsusi karantin rejimi dövründə hər kəsi dövlətin
pandemiya ilə mübarizədə həyata keçirdiyi tədbirlərə dəstək verməyə çağırıblar.
Rayon ərazisində koronavirus (COVİD - 19) pandemiyasına qarşı mübarizənin
daha da genişləndirilməsi məqsədilə başlanılmış dezinfeksiya işləri də davam
etdirilir.
Görülən tibbi-profilaktik tədbirlər çərçivəsində rayon ərazisindəki küçə və
prospektlər, parklar, yollar, inzibati binaların, ticarət obyektlərinin,
metrostansiyaların çıxışlarının ətrafları, yaşayış binalarının girişləri, lift kabinələri
və məişət tullantıları konteynerlərinin zəruri avadanlıqlarla təchiz olunmuş işçi
qrupları tərəfindən dezinfeksiyası işləri həyata keçirilir.
Azərbaycan Respublikası Nazirlər Kabineti yanında Operativ Qərargahın tələb
və tövsiyyələrinə uyğun olaraq Nəsimi rayonunda xüsusi karantin rejiminin
tələblərinə, habelə sanitar epidemioloji normalara əməl olunması istiqamətində
zəruri tədbirlər görülür.
