“Zəngəzur dəhlizi ilə bağlı razılıq əldə olunub” - Açıqlama
11:31 / 21.10.2021
494
Xəbər verdiyimiz kimi, oktyabrın
20-də Azərbaycan Respublikasının Prezidenti İlham Əliyev və birinci xanım
Mehriban Əliyeva Zəngilan rayonunda səfərdə olublar. Prezident İlham Əliyev rayon
ictimaiyyətinin nümayəndələri ilə görüşündə bildirib ki, Zəngəzur dəhlizinin açılması ilə bağlı son
hadisələr onu göstərir ki, istədiyimizə nail oluruq.
Ölkə başçısının bu sözlərindən aydın
olur ki, təkcə işağaldan azad edilən ərazilər bərpa edimir, eyni zamanda da Zəngəzur
dəhlizinin açılması ilə bağlı əsaslı işlər görülür.
Məsələ ilə bağlı Sfera.az açıqlama
verən siyasi şərhçi Asif Nərimanlı
bildirib ki, Soçi görüşünün gündəmi, Paşinyanın Moskvaya dəvət edilməsi,
ardınca Azərbaycandan Naxçıvana nəqliyyat əlaqəsinə razı olduqları haqda açıqlaması
prosesin aktivləşdiyini deməyə əsas verir:
"Azərbaycan öz sərhədlərinə düşən
hissədə, Zəngilana qədər olan ərazidə bərpa
işlərini həyata keçirir. İşlərin 2024-cü ildə başa çatdırılması planlaşdırılır.
Lakin dəhlizin Ermənistan ərazisindən keçən hissəsində inşa işlərinin nə vaxt
başlanacağı sualı hələ də açıq qalır.
Bu ilin aprelində Türkiyənin nəqliyyat
və infrastruktur naziri Adil Karaismailoğlu Naxçıvanı Azərbaycana birləşdirəcək
avtomobil yolunun tikintisinin getdiyi, işin ilin sonunda yekunlaşacağı,
ardınca dəmir yolunun inşasına başlanacağına dair açıqlama vermişdi. Hərçənd
Ermənistan ərazisinə düşən hissədə hansısa inşa işlərinin getdiyinə dair məlumat
yoxdur.
Turan
Rzayev
