Bu gün Ukraynanın yeni seçilmiş prezidenti Vladimir Zelenskinin inauqurasiya mərasimidir.

"Qafqazinfo”nun "segodnya.ua” portalına istinadən verdiyi xəbərə görə, andiçmə mərasimi Ali Radada başlayıb.

Mərasimdə Milli Məclisin spikeri Oqtay Əsədov da iştirak edir. 

Tədbirə həmçinin, Latviya prezidenti Raymond Beyonis, Litva prezidenti Dalya Qribauskayte, Estoniya dövlət başçısı Kersti Kalyulayd, Gürcüstan prezidenti Salome Zurabişvili, Macarıstan prezidenti Yanoş Ader, Türkiyə vitse-prezidenti Fuat Oktay və digər ölkələrin rəsmiləri qatılıb.

Rusiya nümayəndə heyəti mərasimə dəvət edilməyib. 

Zelenski and içərək xalqa bütün məsuliyyəti ilə, vicdanla xidmət edəcəyini bildirib.