YAP-ın namizədi uzaq 90-lardan fotolar paylaşdı - FOTO
Yeni Azərbaycan Partiyasının (YAP) deputatlığa namizədlər siyahısında ən diqqətçəkən isimlərdən biri olan Sadiq Qurbanov "Feysbuk”da maraqlı tarixi fotolar paylaşıb.
Hakim partiyanın 54 saylı Şabran-Siyazən Seçki Dairəsindən seçki yarışına qoşduğu S.Qurbanov YAP-ın qurucu üzvlərindən biridir. O, 1992-ci ildə Bakıda Heydər Əliyevin müdafiəsi məqsədilə keçirilən aksiyaların təşkilatçı və iştirakçılarından olub.
"Heydər Əliyev yolu xalqımızın yeganə nicat yoludur. Mən də fəxr edirəm ki, bu siyasətə xidmət edərək siyasi mübarizəyə atılmışam.
S.Qurbanovun tələbə yoldaşı Fuad Bədirov isə bu fəaliyyətə görə onun universitetdən xaric olunmasını xatırladıb:
"Dəyərli dostum Sadiq bəy hər zaman əqidəsini qorudu, baxmayaraq ki, onu Heydər Əliyev ideyalarının arxasınca getdiyi üçün o zaman universitetdən xaric etdilər. Ancaq yenə də əqidəsindən dönmədi, öz bilik və bacarığı sayəsində yenidən universitetə bərpa olundu və təhsilini, siyasi fəaliyyətini davam etdirdi. Bu gün də Yeni Azərbaycan Partiyasının irəli sürdüyü namizədlər arasında ən layiqlilərdən biridir. Bu şəkillər onun o zamankı siyasi fəaliyyətini necə də gözəl əks etdirir...” (azpolitika)
