\"Taliban\" qızların təhsilə qayıtmasının şərtlərini açıqladı
10:39 / 21.09.2021
548
Əfqanıstanda açılan orta məktəblərə yalnız
oğlan şagirdlər və kişi müəllimlər geri qayıda bilsələr də, "Taliban”
qruplaşmasının mətbuat katibi Zabiullah Mücahid qızların təhlükəsiz mühit yaradıldıqdan sonra təhsilə
geri dönə biləcəyini bildirib.
Sfera.az xəbər verir ki, 1996-2001-ci illərdə
Əfqanıstanda hökumətdə olan, qızların təhsil almasını, qadınların işləməsini və
tamamilə örtünmədən küçələrə çıxmasını qadağan edən "Taliban” qruplaşması yeni
hökumətdə qızların orta təhsilinə icazə verilməməsi məsələsinə aydınlıq gətirib.
Zabiullah Mücahid qızların təhsil almasının əleyhinə
olmadıqlarını, lakin onların təhsilə necə qatıla biləcəkləri mexanizmi üzərində
işlədiklərini açıqlayıb.
Əzizə Zeynal