“Taliban” Pekinin iki şərtini yerinə yetirərsə… - Şərh
11:33 / 21.09.2021
956
"Ötən həftə Tacikistanın
paytaxtı Düşənbədə Şanxay Əməkdaşlıq Təşkilatının sammitinin əsas mövzusu
Əfqanıstan idi. Təşkilata üzv ölkələrin əksəriyyəti Əfqanıstandakı olaylardan
narahatlıq ifadə edib. Ümumi rəy belədir ki, Əfqanıstan əhalisi daha da kasıblayacaq
və qış ayları yaxınlaşdıqca ərzaq qıtlığı yaşanacaq”.
Sfera.az xəbər
verir ki, bunu "Atlas” Araşdırmalar Mərkəzinin rəhbəri Elxan Şahinoğlu deyib.
O bildirib ki,
sammitə onlayn formada qatılan Rusiya Prezidenti Vladimir Putin Əfqanıstandakı
duruma görə yenə ABŞ-ı ittiham edib:
"Putinin çıxışından
bu nəticə çıxdı ki, Əfqanıstana müdaxilə edən, onu bügünkü duruma sürükləyən
ölkə - Amerika hazırkı duruma görə məsuliyyət daşıyır və ona görə də əfqanları
maliyyə, ərzaq və digər məhsullarla Vaşinqton təchiz etməlidir. Rəsmi Pekinin də
mövqeyi eynidir. Düşənbədəki sammitdə iştirak edən Çinin xarici işlər naziri
Van İ Putinin sözlərini təkrarlayıb: "Əfqanıstanın bərpası və bu ölkəyə
istisadi və humanitar yardımın məsuliyyəti Amerikanın üzərindədir”.
Bununla həm Rusiya,
həm də Çin rəsmiləri Amerikaya demək istəyirlər ki, Əfqanıstanı dağıtdığın
kimi onu yenidən qurmalısan.
E. Şahinoğlu qeyd
edib ki, Kremldən fərqli olaraq Pekin Əfqanıstana müəyyən həcmdə humanitar
yardım edə bilər:
"Ancaq Pekin bu
yardımın qarşılığında Talibana iki tələbini təkrarlayacaq. Birincisi, Taliban
Çin şirkətlərinə Əfqanıstanın zəngin yataqlarında çalışmasına şərait yaratmalı,
çinli işçilərin təhlükəsizliyinə təminat verməlidir.
İkincisi, Taliban
Çinin bölgədəki maraqlarını nəzərə almalı, radikal uyğurların Əfqanıstandakı fəaliyyətlərini
əngəlləməlidir.
Turan Rzayev