İngiltərənin Durham Universitetində həyata keçirilən təcrübə zamanı siqaret çəkən və çəkməyən 20 hamilə qadının 4D ultrason görüntüləri müqayisə olunub. Təcrübə zamanı məlum olub ki, siqaret çəkən anaların körpələri ağızlarını daha çox hərəkət etdirir və üzlərinə daha çox toxunurlar.

Mütəxəssislər siqaretin körpələrin sinir sisteminə təsir etdiyini, buna görə körpələrin hərəkətlərində narahatlıq müşahidə olunduğunu bildirib.

Psixoloqlar bildirib ki, stress və depressiya körpənin hərəkətlərinə təsir edən əhəmiyyətli faktorlardır. Bu zaman doğulan körpələr sinir xəstəsi olurlar. Və daha qorxunc xəstəliklərə düçar olurlar.