Cəmİyyət

"Sayğac var, pul da yazır amma su gəlmir" - Mingəçevirdə

Mingəçevir şəhəri, Səməd Vurğun 19 küçəsindəki hündür mərtəbəli, 36 mənzilli binanın sakinləri susuzluqdan şikayətçidirlər.
Sfera.az xəbər verir ki, Yeniavaz.com-a bu problemlə bağlı müraciət edən sakinlər narazılıqlarını dilə gətiriblər.
Bina sakini birinci qrup əlil Vaqif Cəfərov deyir ki, suyun təyziqi az olduğundan yuxarı mərtəbələrə çatmır və suya əbəs yerə pul ödəyirik:
"9 cu mərtəbədə oluram, əlil adamam. Mənim imkanım yoxdur ki, düşüb aşağı mərtəbələrdən su gətirim. Biz hər il yay ayı gələndə evdə işlətməyə su tapmırıq. Əvvəllər su yuxarı mərtəbəyə motorla qalxırdı. Heç bir problemimiz yox idi. Amma "Azərsu" tərəfindən binalar su sayğacı ilə təmin olunduqdan sonra biz işlətməyə su tapmırıq. Üstəlik su gəlmədiyi biz su pulu ödəyirik. Sayğac su oldu, olmadı pulu yazır. Mən kimin qapısını döyüm su istəyim?".

Digər qonşularda öz problemlərini dilə gətirərək bildirirlər ki, səhər işə gedəndə biz əl-üzümüzü yumağa su tapmırıq:
"Çaynikdən su töküb əl-üzümüzü yuyuruq. Nə hamamda su qızdırıcı cihaz yanmır, nə də paltar yuyan maşın işləmir. Bir sözlə yayın istisində biz də sudan korluq çəkirik. Halbuki yaşadığımız ərazidə sağımız da sudur, solumuz da. Dəfələrlə aidiyyatı qurumlara müraciət etmişik lakin problem həllini tapmayıb".

Əraziyə gələn Mingəçevir şəhər icra nümayəndəliyinin və Mingəçevir su-kanal idarəsinin əməkdaşları sakinlərə bildirdilər ki, yay ayı olduğundan bağlar, baxçalar suvarılır, ona görə suyun təyziqi aşağı düşür. Amma buna baxmayaraq bu problem yaxın günlərdə öz həllini tapacaq.

XƏBƏR LENTİ

«    Avqust 2019    »
B.eÇ.aÇC.aC.Ş.B
 1234
567891011
12131415161718
19202122232425
262728293031