İdman

Şahin Diniyev millimizin dünənki heç-heçəsini “fantastika” adlandırdı - AÇIQLAMA

Şahin Diniyev millimizin dünənki heç-heçəsini “fantastika” adlandırdı - AÇIQLAMA

"Millinin ötən günkü oyunu sadəcə fantastika idi. Xorvatlar ölkəmizə bir qədər arxayın gəlmişdilər, yığma qazanılan nəticə ilə göstərdi ki, heç bir komanda Bakıda asanlıqla 3 xal qazana bilməz”.


Bu sözləri Sfera.az-a açıqlamasında millimizin keçmiş çalışdırıcısı Şahin Diniyev söyləyib.

 

Yığmanın Xorvatiya ilə son oyununu təhlil edən Diniyev qazanılan heç bir nəticənin təsadüfi olmadığını vurğulayıb: "Milli dünən meydanda həqiqətən də can qoydu, görürdün ki, onlar seçmə mərhələdə artıq ilk xallarını qazanmaq üçün vuruşurlar. Məşqçi işi açıq-aşkar duyulurdu. Yurçeviçin uzun illər Xorvatiya yığma komandasında köməkçi məşqçi kimi çalışdığını və onları yaxşı tandığından xorvatlarla daha rahat oynadığını deyə bilərik. Ancaq bu faktor da baş məşqçinin işinə kölgə sala bilməz”.


Millinin Xorvatiya ilə oyununda çərçivəni qoruyan Emil Balyev haqqında xoş sözlər deyən təcrübəli çalışdırıcı, Balayevə inandığını söyləyib: "Emil öz oyunu, qurtarışları ilə göstərdi ki, millinin qapısını qorumağa layiqdir. Doğrudur, bir oyunla kiməsə qiymət vermək olmaz. Ancaq gəlin, nəzərə alaq ki, Emil Qazaxıstanın "Tobol” komandasında mütəmadi oyunlara çıxır, oyun praktikası daha zəngindir. Fikrimcə, Balayev millidə bir nömrəli qapıçı səviyyəsinə yüksəlmək yönündə irəliləyir”.

 

 

Səbuhi

Sfera.az

XƏBƏR LENTİ

«    Sentyabr 2019    »
B.eÇ.aÇC.aC.Ş.B
 1
2345678
9101112131415
16171819202122
23242526272829
30