"Su-34” bombardmançılarının birnci qrupu Hmeymim aviabazasından çıxaraq uzun uçuşdan sonra Voronej vilayətində Qərb hərbi dairəsinin aviabazasına yerləşib. 

Oxu.Az xəbər verir ki, Rusiya Müdafiə Nazirliyinin mətbuat xidməti və informasiya idarəsinin martın 15-də yaydığı məlumatda deyilir. 

Enməzdən əvvəl təyyarələr aerodromun üzərində havada alçaq hündürlükdə parad üçün düzülüblər. 

Suriyada hərbi əməliyyatları həyata keçirən təyyarəçilərin qarşılanmasına həsr edilmiş təntənəli mərasimdə Rusiyanın Hava-kosmik qüvvələrinin baş komandanı, general-polkovnik Viktor Bondarev iştirak edib.

Aerodromda vətənə dönən təyyarəçiləri qohumlar və yaxınları qarşılayıb.