Rusiya-Qərb toqquşması: Ermənistanda yerləşən Rusiya hərbi bazalarına silah sayının artırılması gərginliyi artıracaq - İDDİA
16:06 / 31.07.2017
1059
"Rusiya hər zaman hədə-qorxular gəlib. ABŞ-ın sanksiyasından sonra hər bir istiqamətdə təzyiqlər artıb. Həm Orta Şərqdə, həm Cənubi Qafqazda, həm də Ukraynada döyüşlər daha da fəallaşıb".
Bu sözləri Sfera.az-a Rusiyanın Cənubi Qafqazdakı son aktivliyini şərh edən millət vəkili Asim Mollazadə deyib.
Millət vəkilinin sözlərinə görə, bu, Rusiyanın Qərblə apardığı özünəməxsus mübarizəsidir:
"Lakin şanslar yoxdur, sanksiyalardan sonra Rusiyada iqtisadiyyat ağır vəziyyətdədir. Və hansısa istiqamətlərdə Rusiya təcavüzləri dayandıracaq. Yox, əgər dayandırmasa, nəticələr daha da ağır olacaq".
Politoloq Arzu Nağıyev düşünür ki, ABŞ-Rusiya qarşıdurması ,eyni zamanda Qərbin sanksiyaları birmənalı şəkildə Cənubi Qafqaza da təsir göstərəcək:
"Gürcüstan –Rusiya münasibətlərinin hələ də gərgin olması, Dağlıq Qarabağ münaqişəsisnin həll edilməməsi, Rusiyanın cənub sərhədlərində terror dəstələrinin mövcudluğu, təbii ki, beynəlxalq əhəmiyyətli iqtisadi layihələrin də regionda aparıcı rol oynaması –bütün bu amillrə bu gərginliyin əsas elementlərinə çevrilə bilər.Məlum məsələdir ki, NATO-Rusiya sərhəddi də Cənubi Qafqazdan keçir və bu Türkiyə –Ermənistan sərhəddidir. Məhz buna görə də Ermənistanda yerləşən Rusiya hərbi bazalarına silah sayının artırılması da gərginliyi artıracaq. Rusiya da 58 ordusunun bu regionda hərbi təlimlərini məhz buna görə keçirir, Xəzər dənizində müxtəlif manevrlər edir. Yəni bunların hamısı birbaşa olmasa da dolayı yolla sanksiyalardan və qarşıdurmalardan yaranan problemlərlə bağlıdır".
Azad Əliyev
Sfera.az