Qazaxıstanın "Astana" klubunda çıxış edən Riçard Almeyda yenidən "Qarabağ"da çıxış edəcək.

Sfera.az xəbər verir ki, artıq  Almeyda danışıqlar aparmaq üçün "Qarabağ"ın təlim-məşq toplanışında olduğu Türkiyənin Antalya şəhərinə gəlib.

Millimizin üzvüylə danışıqlar müsbət tamamlansa, 2,5 illik müqavilə imzalanacaq. Almeydanın "Astana" ilə 1,5 illik müqaviləsi qalıb. Bu səbəbdən də "Qarabağ" Qazaxıstan klubunu da razı salmalıdır. Qeyd edək ki, 29 yaşlı futbolçu 2012-2018-ci illərdə "Qarabağ"da çıxış edib.