Qondarma Dağlıq Qarabağ republikası XİN-nin sözçüsü Artak Nersesyan sərsəm bəyanatla çıxış edib.

Sfera.az-ın məlumatına görə, Azərbaycanın işğal olunmuş torpaqlarında beynəlxalq hüququ kobud surətdə pozaraq ermənilərin yaşayış məskənləri salmasına etiraz etməsi seperatçı rejimin xoşuna gəlməyib. Qeyd edək ki, Xocavənd rayonu ərazisində ermənilər Araksavan adlı yaşayış məskəni salır, sakinlərin çoxu isə kənardan gətirilmiş ermənilərdir. Azərbaycan Xarici İşlər Nazirliyi (XİN) isə haqlı olaraq bu addımı Cenevrə konvensiyasına zidd hesab edərək münaqişənin nizamlanması yolunda ciddi maneə saydığını bəyan edib.

Separatçı rejimin sözcüsü mövzuyla bağlı açıqlamasında rəsmi Bakını suçalamaq yolunu tutaraq Azərbaycan tərəfini militarist bəyanatlar verməklə münaqişənin nizamlanmasına mənfi təsir göstərməkdə ittiham edib. Nersesyan daha uzağa gedərək bəyan edib ki, Azərbaycan DQ-ın "işğal olunmuş” şimal bölgələrində erməni kəndlərinə yerli əhalini köçürür. Söhbət keçmiş Şaumyan rayonundan gedir. Qeyd edək ki, hazırda həmin rayon Goranboy rayonunun bir hissəsidir.

Hərbi ekspert Tərlan Eyvazov Sfera.az-a açıqlamasında seperatçı rejim sözçüsünün açıqlamasını həyasızlıq adlandırıb: "O qədər ayaqları yer alıb ki, belə iddialara düşüblər. Dağlıq Qarabağın rəsmi ərazisi bəllidir. Bunu Qarabağ problemindən azacıq informasiyası olan istənilən şəxs bilir”.

Ermənilərin yeni yaşayış məskənləri salmalarını göstəriş naminə özünüaldatma sayan ekspert köçürülənlərin əsasən xaricdən gətirilən ermənilər olduğunu dedi: "Hazırda Ermənistanda demoqrafıq vəziyyət pisdir. İmkanı olan ölkədən gedir. Həmçinin Qarabağda yaşayan ermənilər arasında köç heç zaman dayanmayıb, əksinə davam edir”.

Tərlan Eyvazov Azərbaycan tərəfinin ermənilərin bu cür addımlarına qarşı bütün vasitələrlə mübarizə aparmasının vacibliyinin diqqətə çatdırıb: "İstər diplomatik, istər təbliğati, istərsə də hərbi üstünlıükdən yararlanaraq erməni tərəfinin yalan təbliğatının qarşısı alınmalıdır. Erməniləri qorxu altında saxlamaq lazımdı. Yeri gələndə bəlli hədəflərə artilleriya zərbələri endirilməli, diversiya işləri görülməlidir. Ermənilərə başa salınmalıdır ki, orada rahat yaşaya bilməyəcəklər”.

Tahir

Sfera.az