Rusiya prezidenti Putinə qarşı sensasiyalı informasiya hücumu planlaşdırılır.
"Qafqazinfo” xəbər verir ki, bununla bağlı prezidentin mətbuat katibi Dmitriy Peskov bəyanat verib. Onun sözlərinə görə, Kreml yaxın günlərdə qərb KİV-dən yeni təxribat gözləyir. Sifarişli informasiyanın Putin və onun ətrafını hədəf aldığı deyilir.
Peskov bildirib ki, həmin informasiya Putin, onun ailəsi, uşaqlıq dostları, prezidentin bəzi biznesmenlərlə əlaqəsi, hansısa offşor şirkətlərlə bağlı olacaq.
Peskov həmçinin, vurğulayıb ki, yalan faktlar, prezidenti nüfuzdan salmağa yönələn məlumat yayan KİV məhkəməyə veriləcək.