Onun sözlərinə görə, kredit borclarının artması iqtisadiyyata mənfi təsir göstərəcək:

 

"Açıqlanan 2 milyard kredit yalnız əhalinin krediti deyil. O siyahının içində həm sahibkarların, həm hüquqi şəxslərin, həm də bəzi şirkətlərin kreditləri də var. 2 milyarddan əhaliyə düşən pay demək olar ki, miqdarın yarısından da azdır. Sadəcə bu miqdar açıqlandıqda statistika elan edilmir. Əhaliyə düşən hissəni ayrılıqda statistik şəkildə göstərmirlər. Mən bir ekspert kimi deyə bilərəm ki, əhalinin borcu o qədər də çox deyil. Buna baxmayaraq bank sistemi o qədər də böyük olmayan, Azərbaycan kimi bir dövlətdə 2 milyard manat problemli kreditin olmağı böyük problemdir. Və təssüf ki, bu rəqəm get gedə artır. Belə davam edərsə, bu ölkə iqtisadiyyatına çox böyük mənfi təsir göstərəcək. Demək olar ki, artıq göstərib. Təqribən 2 ildir ki, verilən kreditlər geri alına bilmir və bu da iqtisadiyyatın, eləcə də bank sektorunun zəifləməsinə gətirib çıxarır. Bu gün də bir sıra banklarımızda bu təhlükə var. Bankların bağlanmağı iqtisadiyyata da zərbə vurur, belə ki kreditləşdirməni azaldır və real iqtisadiyyata pul çatmır. Bunun nəticələri isə göz qabağındadır. İşsizlik problemi də bununla sıx bağlıdır”.