Mövsüm Aslanovun uğurlu təbliğat kampaniyası davam edir - FOTOLAR
13:15 / 27.01.2020
3181
Bu il fevralın 9-da keçriləcək Milli Məclisə seçkilər üzrə 101 saylı Göygöl-Daşkəsən seçki dairəsindən deputatlığa namizəd Möhsüm Qədir oğlu Aslanov seçiciləri ilə görüşlərini davam etdirir.
Sfera.az xəbər verir ki, 101 saylı Göygöl-Daşkəsən seçki dairəsi özünün spesidik xüsusiyyətləri ilə fərqlənir. Dağlıq ərazidə çətin şərtlərlə yaşayan mübariz insanların etimadını qazanmaq bu səbəbdən elə də asan deyil. Amma görünən budur ki, Mövsüm Aslanov bunu bacarıb. Onun seçicilərlə hər görüşü, bu görüşlərə əhalinin hədsiz marağı belə düşünməyə əsas verir.
Qeyd edək ki, Mövsüm Aslanov seçiciləri ilə görüşləri çərçivəsində Daşkəsən rayonunun Xoşbulaq və Daşkəsən qəsəbələrinin,həmçinin, Zağalı, Qaraqollar, Zinzahal, Çanaxlı kəmdlərinin sakinləri ilə görüşüb söhbətləşib. Hazırda da görüşlərini davam etdirən deputatlığa namizəd seçicilərinin ona olan etimadını yüksəık qiymətləndirib. O bu haqda özünün facebook hesabında bunları yazıb:
"Bu tədbir mənim üçün tək dəyərli seçicilərlə deyil, uzun illər görmədiyim qohum-əqrabalarımla görüş kimi də xatirəmdə dərin iz buraxdı. Xüsusilə də görüşdən sonra qərargahımıza gələn tədbir iştirakçılarının bizə göstərdiyi ehtiram könlümüzü qübarlandırdı".
Mövsüm Aslanovun təbliğat-təşviqat proseslərinin gedişi diqqətimizdədir və yeniliklərlə bağlı əlavə məlumat verməyə çalışacağıq.