Lənkəran rayonunun dağlıq ərazisində yerləşən Jidi kəndində torpaq sürüşməsi baş verib. Modern.az xəbər verir ki, torpaq sürüşməsi kənddəki avtomobil yolunun 100 metrlik hissəsini əhatə edib. Lay torpaq qatının sürüşməsi zamanı dağ yolu keçilməz hala düşüb. Yolda 1 metr enində çatlar əmələ gəlib. Bu yol Gəgiran kəndi ilə rayonu birləşdirən yeganə avtomobil yolu olduğundan həmin kəndlə nəqliyyat əlaqəsi kəsilib.