İŞİD lideri hava hücumunda öldürüldü
10:22 / 15.04.2019
4056
İŞİD-in Somalidəki ikinci lideri Abdihakim Kudhub təşkil olunan hava hücumunda öldürülüb.
Somalinin Putland əyalətinin təhlükəsizlik naziri Abdisamed Məhəmməd Qallan Iskuşuban rayonu yaxınlığındakı İŞİD nöqtələrinə hava hücumu təşkil olunduğunu açıqlayıb.
Təhlükəsizlik naziri Qallan İŞİD-in Somalidəki ikinci lideri Abdihakim Kudhubun nəqliyyat vasitəsinin da olduğu konvoyun hədəfə götürüldüyünü və hədəflərin məhv edildiyini bildirib.
Hücumda Kudhubun köməkçisi və yanındakı bir nəfər də öldürülüb. Hava hücumunun uğurlu olduğunu dəyən Qallan dinc əhalinin zərər görmədiyini vurğulayıb. Qeyd edək ki, Abdihakim Kudhub Somalidə terror həyata keçirən Əş-Şəbab təşkilatının qurulmasını təmin edən terror hücrələri yaradan şəxs kimi tanınır.