AKTUAL

İmamoğluna mandat vermədilər, səslər üçüncü dəfə sayılacaq - GƏRGİNLİK

İmamoğluna mandat vermədilər, səslər üçüncü dəfə sayılacaq - GƏRGİNLİK
 

Türkiyədə martın 31-də keçirilmiş bələdiyyə seçkilərinin İstanbul üzrə nəticələri ətrafında hakim partiya ilə müxalifət arasında mübahisə davam edir.

 

Sfera.az virtualaz.org-a istinadən xəbər verir ki, AKP-nin tələbi ilə İstanbulda etibarsız hesab edilmiş 330 minə yaxın səsin, o cümlədən 60-dan çox məntəqədə bütün səslərin yenidən sayılması başa çatmaqda ikən Yüksək Seçim Kurulu Maltəpə rayonunda yenidən təkrar sayım qərarı verib.

 

İstanbulun Maltəpə rayonu səslərin yenidən sayılmasında sonuncu rayon idi və prosesin bu gün başa çatacağı gözlənilirdi. Əgər səslərin yenidən sayılması başa çatsaydı CHP-nin namizədi Əkrəm İmamoğlunun bələdiyyə başqanı seçildiyi haqda mandatı almasına maneə qalmayacaqdı.

 

 

 

Lakin ötən gün axşam AKP və onun müttəfiqi MHP Maltəpədə 400 seçki məntəqəsi üzrə səslərin yenidən (artıq üçüncü dəfə) sayılmasını tələb edib. Beləliklə, sayılmamış qalan qutular da daxil olmaqla Maltəpə rayonunda 576 seçki qutusunda bülletenlər yenidən sayılacaq. Prosesin daha nə qədər zaman alacağı məlum deyil.

Xatırladaq ki, AKP İstanbulda seçkilərin nəticələrini tanımır və səslərin hesablanmasında, habelə seçici siyahılarının hazırlanmasında "kütləvi pozuntuların olduğunu” bildirir. Baxmayaraq ki, seçici siyahılarının hazırlanmasını hakimiyyət özü həyata keçirib, o cümlədən bütün seçki məntəqələrində AKP-dən olan komissiya üzvləri və müşahidəçiləri səsvermənin nəticələrinə dair protokolları imzalayıblar.

XƏBƏR LENTİ

«    Aprel 2019    »
B.eÇ.aÇC.aC.Ş.B
1234567
891011121314
15161718192021
22232425262728
2930