İlham Əliyev Ruhaniyə başsağlığı verdi
15:17 / 18.02.2018
1016
Prezident İlham Əliyev İranda sərnişin təyyarəsinin qəzaya uğraması nəticəsində çoxsaylı insan tələfatına görə, prezident Həsən Ruhaniyə başsağlığı verib
Sfera.az xəbər verir ki, sənəddə deyilir:
"Hörmətli cənab Prezident,
Ölkənizdə sərnişin təyyarəsinin qəzaya uğraması nəticəsində çoxsaylı insan tələfatı xəbəri məni olduqca kədərləndirdi.
Baş vermiş bu faciə ilə əlaqədar Sizə, həlak olanların ailələrinə və yaxınlarına, bütün İran xalqına öz adımdan və Azərbaycan xalqı adından dərin hüznlə başsağlığı verirəm.
Allah rəhmət eləsin!"