Erməni cəsədlərini xüsusi şəraitdə nə qədər saxlaya bilərik? – Həkim minimum və maksimum müddəti açıqladı
Prezident İlham Əliyev Rusiyanın İnterfaks agentliyinə müsahibəsində bildirib ki, müraciətlərə baxmayaraq erməni tərəfi həlak olmuş hərbçilərinin cəsədlərinə sahib çıxmır.
"Özü də, tam təfərrüatı ilə deyim, mən həlak olmuş erməni hərbçilərinin cəsədləri barədə tapşırıq vermişəm ki, onları maksimum dərəcədə refrijiratorlarda (soyuducularda), soyuq yerlərdə saxlasınlar, biz hamımız bilirik, insanların cəsədləri qalanda nə hala düşür".
Xatırladaq ki, artıq bu bu gün Azərbaycan 30-a yaxın hərbçinin meyitini Ermənistana təhvil verib. Bununla belə, hələ də təhvil alınmayan erməni cəsədləri var.
Maraqlıdır, cəsəd neçə müddətdən sonra çürüyür və meyitləri nə qədər saxlamaq mümkündür?
Mövzu ilə bağlı Sfera.az-a açıqlama verən professor Adil Qeybulla bildirib ki, cəsəd 6 saat içərisində basdırılmalıdır və bu müddət hava tempraturundan asılı olaraq dəyişə bilər:
"İnsan öləndən 6 saat sonra yoğun bağırsaqdan çürümə başlayır. Xüsusi farmaellə cəsəddə bir növ mumyalaşma edilir ki, bununla da bədəndə infeksiyalar inkişaf etmir. Çürümə soyuq və istidən aslı olaraq müxtəlif müddət ərzində gedə bilər. Çox soyuq tempraturda meyit gec xarab olur, yəni cəsəd bir neçə günə tam məhv olur. Amma isti ərazilərdə bu proses daha tez baş verir. Ona görə də bioloji ölüm baş verəndən bir neçə saat sonra dəfn olmalıdır.
Bu prosesin sutkalarla uzadılması cəsədlərin tanınmaz hala düşməsi deməkdir. Ermənilərin cəsədi soyuducuda saxlanması çürüməni uzada bilər. Amma açıq sahədə də kifayət qədər erməni cəsədlər var. Onların cəsədi tamamilə çürüyüb və tanınmaz haldadır”.
Sfera.az
Əzizə Zeynal