Sfera.az qurumun saytına istinadən xəbər verir ki, audit Vergilər Nazirliyinə ayrılan vəsaitlərin istifadəsinə, Nazirliyin 4 saylı Ərazi Vergilər İdarəsində vergi qanunvericiliyinə riayət edilməsi vəziyyətinə, Ekologiya və Təbii Sərvətlər Nazirliyinə dövlət büdcəsinin "Ümumi dövlət xidmətləri” bölməsindən ayrılan vəsaitlərin və "Ətraf Mühitin Mühafizəsi üzrə Dövlət Fondu”nun vəsaitlərinin proqnozlaşdırılması və icrasına, eləcə də Dövlət Neft Şirkətinin "Azəriqaz” İstehsalat Birliyinin maliyyə-təsərrüfat fəaliyyətinə dair olub.

Palatanın Kollegiya iclasında hər bir nəzarət tədbiri üzrə qərarların layihəsi müzakirə edilərək təsdiq olunub. Həmin qərarların icrasını təmin etmək məqsədilə aidiyyəti dövlət qurumlarına təqdimatların göndərilməsi və audit tədbirlərinin nəticələri barədə məlumatların Milli Məclisə təqdim olunması qərara alınıb. İclasda, həmçinin aparılmış audit tədbirlərinin nəticələri üzrə təqdimatların icrası vəziyyəti barədə auditorların məlumatı dinlənilib, müvafiq qərarlar qəbul edilib.

 

Sfera.az