Diqqət: bu yolda təmir başladı
Bakı-Şamaxı-Yevlax avtomobil yolunun 11-ci km-də, Sulutəpə dairəsindən Biləcəri qəsəbəsi istiqamətində (Daş bazarı) olan yolun təmirinə start verilib.
Azəravtoyol ASC-dən Sfera.az-a verilən məlumata görə, təmir işləri Sulutəpə dairəsindən Biləcəri qəsəbəsi istiqamətində təqribən 500 m-lik və Baş Dövlət Yol Polisinin stasionar postuna qədər olan 250 m-lik məsafəni əhatə edir. Ümumilikdə təmir işlərinin aparıldığı sahə 17 min m2-ə yaxındır.
Sözügedən ərazidə bəzi yolların hərəkət hissəsinin genişləndirilməsi məqsədi ilə işlər görülüb. Daha sonra yola yeni asfalt-beton örtüyünün döşənməsi nəzərdə tutulub.
İşlərin tezliklə yekunlaşması üçün əraziyə lazımi sayda qüvvə cəlb olunub. İşlərin ümumi hərəkətə maksimal dərəcədə mane olmamaq şərti ilə qısa müddət ərzində yekunlaşdırılması planlaşdırılır.
Sfera.az