İstanbul Yarı Marafonunu təşkil etmək üçün keçirilən tenderin qalibi Cübbəli Əhməd Hoca kimi tanınan Əhməd Mahmud Ünlünün kürəkəni Esat Palazoğlunun "Adstation Reklam" şirkəti elan edilib.

 

Kürəkənin şirkəti ilə 1,8 milyon lirə dəyərində saziş imzalanıb.  

 

Marafonun təşkili üçün martın 29-da "Spor İstanbul" şirkəti tərəfindən tender keçirilmişdi. Tenderin dəyəri 3 milyon 596 min 626 türk lirəsi müəyyən edilib.

 

Tender iki qisimdən ibarət olub. Onun 1 milyon 872 min 300 lirəlik hissəsini alan "Adstation Reklam" ilə aprelin 3-də, 753 min 539 lirəlik hissəsini alan Əziz Yavuz ilə isə aprelin 4-də saziş imzalanıb.

 

Qeyd edək ki, Tenderin böyük hissəsini qazanan "Adstation Reklam" şirkətinin şərikləri Cübbəli Əhməd Hocanın kürəkəni Esat Palazoğlu və böyük qardaşı Mühiddin Palazoğludur.  Hər iki şəxs Türkiyə Prezidenti Rəcəb Tayyib Ərdoğan və keçmiş Baş nazir Əhməd Davudoğluna yaxın adamlar hesab edilir.Yeniavaz