Yarandığı gündən fəaliyyəti narazılıq doğuran Bakı Nəqliyyat Agentliyi ilə bağlı yeni qalmaqal yaranıb.

Sfera.az-ın məlumatına görə BNA bu dəfə yeni "ixtirası” ilə gündəmə gəlib. Sən demə, BNA tamamiləı fərqli "saat qurşağı”nda fəaliyyət göstərirmiş. Hər halda tanınmış jurnalist Türkan Məmmədlinin başına gələn hadisə belə düşünməyə əsas verir.

Belə ki, BNA-nın ona göndərdiyi cərimə sənədində zaman 29:36:45 kimi qeyd olunub. Sutkanın 24 saatdan ibarət olduğunu unudanlar bəlkə də hansısa, heç bizə də məlum olmayan planetin sutka hesabıyla işləyirlər?

Məsələ ilə bağlı Sfera.az-a danışan Türkan Məmmədli BNA-nın hansı zaman ölçüsündən anlamadığını bildirib: "Əvvəl düşündüm ki, BNA-ya görə 30 saatdır. Lakin bilmək olmaz, bəlkə 29-dan sonra otuzda da dayanmaya bilər, BNA-nın saatı. Amma etiraf edək ki, bu işimizə yarayacaq. Axı, onsuz da 24 saat bizə yetmirdi. Sağ olsunlar, görünür, yenə bizi düşünürlər”.

Rəşad