Səhiyyə Nazirliyinin Hüquq və daxili nəzarət sektorunda 2016-cı ilin ilk 4 ayında vətəndaşlardan daxil olan 129 şikayətə baxılıb.

Sfera.az bildirir ki, Nazirlikdən APA-nın sorğusuna verilən cavabda deyilib ki, müraciətlərdən 32-si təkrar olub. Dörd ayda sektora 502 xidməti məktub daxil olub ki, onların da 308-i araşdırılıb və cavablandırılıb. Yoxlama tədbirləri nəticəsində 11 saxta diplom aşkarlanıb, toplanmış materiallar Korrupsiyaya Qarşı Mübarizə Baş İdarəsinə göndərilib.