"Bunu əminliklə söyləyə bilərik ki, İranda baş verən olaylar iqtisadiyyatımıza təsir etmək gücündə deyil”.

Bu sözləriSfera.az-a açıqlamasında son günlər İranda baş verən olayları şərh edərkən politoloq Arzu Nağıyev söyləyib. O, İranda hazırki, iqtisadi problemlərin kökündə son zamanlar tətbiq edilən sanksiyalar və embarqoların böyük rol oynadığını bildirib:

"Son vaxtlar nüvə məsələsi ilə bağlı tətbiq olunan sanksiyalar, eyni zamanda İrana qarşı tətbiq edilən embarqolar nəticə etibarilə iqtisadiyyatınzəifləməsinə səbəb oldu. Fakt budur ki, İran vətəndaşları məhz iqtisadi tələblərləmeydanlara axışdılar. Bu mitinqlərin ilkin özəyini iqtisadi problemlər təşkil edirdisə, amma hazırda vətəndaşların tələbi hakimiyyətin dəyişməsinə qədər yüksəlib. Digər məsələ odur ki, İranda maraqları olan dövlətlər – ABŞvə İsrail mitinq iştirakçılarını birbaşa və açıq dəstəkləməyə başladılar. Lakin inandırıcı deyil ki, böyük dövlətçilik ənənələri olan İran bu çaxnaşmadan daha artıq zərərlə çıxsın və hakimiyyət asanlıqla əl dəyişdirsin”.

Qonşu ölkədə baş verənlərin Azərbaycana iqtisadi cəhətdən hansısa sıxıntı yaradacağına inanmadığını bildirən Nağıyev orada milyonlarla soydaşımızın yaşadığını nəzərə aldıqda baş verənlərin bizi mənəvi cəhətdən incidəcəyini vurğulayıb: "İranda bizim milyonlarla soydaşlarımız yaşayır. Onlar bu iğtişaşlardan Azərbaycana pənah gətirə bilərlər, demoqrafik dəyişiklik ola bilər. Proseslər iqtisadi, siyasi cəhətdən olmasa da, mənəvi cəhətdən bizə təsir edə bilər. Biz İrandan benzin, yanacaq almırıq ki, orada olan bahalaşma bizə də təsir etin. Ona görə də əminliklə demək olar ki, oradakı proseslər bizim iqtisadiyyatımıza təsir etmək gücündə deyil”.

Səbuhi

Sfera.az