Məsələ ilə bağlı Sfera.az-a münasibət bildirən politoloq Natiq Miri söyləyib ki, ən böyük yalnışlıq hər şeyi Putindən uzaq tutub, anti-Azərbaycan qüvvələrinin üstünə atmaqla özümüz özümüzü aldatdıq.

"Rusiya avtoritar bir ölkədir və bu cür strateji, xüsusilə də Azərbaycan kimi əhəmiyyətli bir ölkələrlə münasibətləri poza biləcək qərarlar məhəkəmələrdə müstəqil səviyyədə qəbul olunmur. Belə prosedur Rusiyada yoxdur. Bütün bu məsələlər siyasi anlamda Putinlə razılaşdırılır. Çıxarılan qərar bir başa Putinin istəyi ilə baş verib. Məsələni də bu şəkildə qəbul etmək lazımdır. Bu məslədə Putinin razılığı varsa, bu da Azərbaycana müəyyən mənada təzyiq xarakteri daşıyır. Son vaxtlar ÜAK təşkilat olaraq artıq Rusiyanın nəzarətindən çıxmışdı. Demək olar ki, Azərbaycan dövlətinin maraqları kontekstində fəaliyyət göstərirdi. Təbii ki, bu da Rusiyanın marağında deyildi. Yaddan çıxarmaq lazım deyil ki, Rusiya Azərbaycanda 2013-cü ildə prezident seçkiləri öncəsi Konqresin əli ilə  oradakı azərbaycanlı milyarderləri hakimiyyətə qarşı qoymaq istəyirdi.Çünki Azərbaycanın müstəqil siyasət yürütməsi Rusiyanı qıcıqlandırır. Azərbaycan hakimiyyəti də bundan sonra adekvat addımlar atmalıdır. Azərbaycanda Rusiyanın cəsus yuvası olan "mədəniyyət mərkəzlərinin" qeydiyatı dərhal dayandırılmalıdır. Nə zaman ÜAK yenidən qeydiyyata alınarsa, Azərbyacan da buna adekvat addımlar atar".

Qeyd edək ki, Ədliyyə Nazirliyi ÜAK-ın fəaliyyətində Rusiya Federasiyasının qanunvericiliyini pozduğunu iddia edib. Rusiya Ədliyyə Nazirliyi "İctimai təşkilatlar haqqında" qanunu əsas götürərək ÜAK-ın Mərkəzi Şurasının Rəyasət Heyətinə aşkar olunan pozuntuların aradan qaldırılması ilə bağlı dəfələrlə xəbərdarlıq edib.

Təşkilat pozuntuları aradan qaldırmadığına görə, Rusiya Ədliyyə Nazirliyi təşkilatın ləğvinə dair inzibati iddia qaldırılması üçün bu il martın 9-da Ali Məhkəməyə müraciət edib.

Ümumrusiya Azərbaycan Konqresi 2001-ci ildə yaradılıb.