\"Ziyəddinoğlu\" MMC-dən şikayətçi olan sakinlər prezidentə video müraciət ünvanladı
"Ziyəddinoğlu" MMC-nin əməlləri vətəndaşları dövlətdən narazı salmağa hesablanıb.
Sfera.az-a daxil olmuş şikayət məktubunda bildirilir ki, Bakı şəhəri Xətai rayonu, Nəcəfqulu Rəfiyev 29 ünvanında yerləşən iki mərtəbəli köhnə yaşayış binasında yerləşən 54 ailəlik köhnə mənzillər "ZİYƏDDİNOGLU" MMC tərəfindən pilot layihə adı ilə sökülüb. Həmin vaxt sakinlərə vəd edilib ki, həmin binanın yerində yeni bina inşa ediləcək və sakinlərin ixtiyarına veriləcək.
Sakinlər bildirirlər ki, "Zyəddinoğlu" MMC-nin direktoru Aslanov Elvin Əli oğlu sakinlərə vəd edibmiş ki, bina inşa edilənə qədər, şirkət onları kirayə pulu ilə təmin edəcək. Lakin sakinlərə kirayə pulu yalnız bir neçə ay ödənilib, daha sonra şirkət verdiyi vədini unudub.
Sakinlər məsələ ilə bağlı özünü şirkətin direktoru kimi təqdim edən Elvin adlı şəxslə əlaqə saxlasalar da o, cavabında "gedin hara şikayət edirsiz edin" tipli cavablarla kifayətlənib. Xatırladaq ki, adını çəkdiyimiz ünvanda yaşayanların əksəriyyəti aztəminatlı ailələrdir. Sakinlər bildirirlər ki, şikayətimizi eşidən olmasa biz şirkətin qarşısında aksiya keçirəcəyik.
Ümidsiz duruma düşən sakinlər ölkə başçışından video müraciətlə kömək istəyiblər.
Əməkdaşımız sözügedən şikayətlə bağlı "Ziyəddinoglu" MMC şirkətinin mövqeyini öyrənməyə çalışsa da cəhdlərimiz nəticə verməyib.