Zərif İsrail bayrağına görə xarici səfərini təxirə saldı
23:30 / 15.05.2021
3326
İranın xarici işlər naziri Cavad Zərif Avstriyaya bugünki səfərini təxirə salıb.
Sfera.az xəbər verir ki, bu barədə Avstriya XİN-dən məlumat verilib.
Məlumata əsasən, səfərin təxirə salınmasına səbəb Avstriya dövlət qurumlarına məxsus binalardan İsrail bayrağının asılması olub.
XİN-dən bildirilib ki, səfər çərçivəsində Zərif avstriyalı həmkarı Aleksander Şallenberqlə görüşməli idi.
Qeyd olunub ki, İranın nüvə proqramı ətrafında Vyanada aparılan danışıqlar davam etdiriləcək.
Xatırladaq ki, İsrail-Fələstin qarşıdurmasında birincilərə dəstək məqsədilə cümə günü Avstriya hökumət binalarından İsrail bayraqları asılıb.