No Image
No Image

Zəngəzur dəhlizinin açılması Naxçıvanın iqtisadi potensialını genişləndirəcək – Millət vəkili

Zəngəzur dəhlizinin açılması Naxçıvanın iqtisadi potensialını genişləndirəcək – Millət vəkili
Azərbaycan Prezidenti İlham Əliyev Naxçıvan Muxtar Respublikasına səfəri zamanı Zəngəzur dəhlizinin açılacağını bir daha bəyan edib.
 
İşğaldan azad olunan ərazilərimizdə sözügedən dəhlizə inteqrasiya olunacaq infrastruktur işlərinə artıq başlanılıb. Horadiz-Ağbənd dəmir yolu xətti Azərbaycanın qərb hissəsi ilə Naxçıvanın Zəngəzur dəhlizi vasitəsi ilə birləşləşməsinə imkan verəcək. Naxçıvan ərazisində də 16 km-ə yaxın dəmiryolu xətti də bərpa ediləcək.

Sfera.az bildirir ki, millət vəkili, iqtisadçı Vüqar Bayramovun fikrincə, Şərq-Qərb beynəlxalq nəqliyyat dəhlizinə inteqrasiya olunacaq Zəngəzur dəhlizi nəinki bölgənin, bütövlükdə Türk dünyasının birləşməsinə imkan verəcək. Millət vəkili hesab edir ki, iayihənin iqtisadi üstünlükləri ilə yanaşı strateji əhəmiyyəti də kifayət qədər böyükdür: "Azərbaycan Prezidentinin qeyd etdiyi kimi, Şərqi Zəngəzur bölgəsində yerləşən Zəngilanı bizim qədim torpağımız olan Qərbi Zəngəzurla, ondan sonra Ordubad vasitəsilə Naxçıvanla və Türkiyə ilə birləşdirmək bizim növbəti tarixi nailiyyətimiz olacaq. Bu baxımdan, bu eyni zamanda tarixi bir hadisə olacaq. Bununla yanaşı, Zəngəzur dəhlizinin açılması kommunikasyaların bərpası prosesində geri-dönməzliyin təmin edilməsi baxımdan da vacibdir. Əslində, Zəngəzur dəhlizi Cənubi Qafqazda davamlı sülhə xidmət edəcək təşəbbüsdür.

 
Zəngəzur dəhlizinin istifadəyə verilməsi 10 noyabr tarixli birgə Bəyanatda təsbit edidiyindən daha qısa zamanda Azərbaycanın qərb hissəsi ilə Naxçıvanın quru nəqliyyat yolu ilə birləşməsinin reallaşa biləcəyi anlamına gəlir. Bu həmçinin bölgədə yeni düzənin formalaşdığından xəbər verir”.

V.Bayramov qeyd edib ki, Naxçıvan Muxtar Respublikası ölkəmiz üçün ciddi strateji əhəmiyyəti olan bölgələrimizdəndir. Millət vəkili Azərbaycan Prezidenti cənab İlham Əliyevin Naxçıvana səfəri zamanı açılışı həyata keçirilən müəssisələrin və eləcə də reallaşan infrastruktur layhələrinin Muxtar Respublikanın iqtisadi inkişafına xüsusi töhvə verəcəyinə əmindir: "Dövlət Statistika Komitəsinin məlumatına görə, 2019-cu ildə Naxçıvan MR-da 3 milyard 613 milyon manatlıq məhsul və xidmətlər istehsal olunub. Son 5 ildə Muxtar Respublikada məhsul istehsalı 762 milyon manat artıb. Bu müddətdə Naxçıvan MR-nın iqtisadiyyatı 12 faizə yaxın böyüyüb. Qeyd edək ki, 2014-cü ildə Muxtar Respublikada 2 milyard 851 milyon manatlıq məhsul istehsal olunmuşdu.
Pandemiyadan əvvəlki ildə Muxtar Respublikada 1 milyard 14 milyon manatlıq sənaye məhsulları istehsal olunub. Bu 2015-ci il ilə müqayisədə 10 faiz çoxdur. Zəngin təbbi-meneral ehtiyatları olan Naxçıvanın böyük iqtisadi potensialı Zəngəzur dəhlizinin istifadəyə verilməsi kontekstində daha genişlənəcək. Belə ki, dəhliz Azərbaycanın qərb hissəsində fəaliyyət göstərən iş adamları ilə Naxçıvandakı sahibkarlar arasında əlaqələrin, əməkdaşlığın qurulması baxımından vacibdir ki, bu da qısa vaxtda məhsulların nəql edilməsinə imkan yaradacaq. Bunun Azərbaycanın iqtisadi inkişafına, eləcə də Naxçıvan Muxtar Respublikasının iqtisadiyyatına müsbət təsirləri olacaq.
 
Azərbaycanın öz eksklavı olan Naxçıvan Muxtar Respublikası və Türkiyə ilə əlaqələri güclənəcək, ölkənin geoiqtisadi əhəmiyyəti daha da artacaq. Gözlənilir ki, bu dəhliz Naxçıvanın iqtisadiyyatına töhfə verməklə sahibkarların daha böyük bazarlara çıxışını təmin edəcək. Bu baxımdan, kommunikasiyaların bərpası, Azərbaycanın qərb bölgələri ilə Naxçıvanın quru nəqliyyatı vasitəsi ilə birləşməsi Muxtar Respublikanın daha da inkişaf etməsi üçün yeni imkanlar yaradacaq”.
 
 
Sfera.az
 
Sehliyali
Turan Bank

OXŞAR XƏBƏRLƏR

“Kəndli məhsulu marketdən alırsa...” – Bir çox ölkə aclıqla üz-üzə olduğunu elan etdi, bəs Azərbaycan?

Ötən gün Şimali Koreya lideri Kim Çen İn ölkəsinin böyük qida problemi ilə qarşı-qarşıya olduğunu və yaşanan aclığın narahatlıq verdiyini etiraf edib. Pararle...

Türkiyə ilə ticarət əməliyyatlarının həcmi 5 milyard dollara çatacaq

Azərbaycan ilə Türkiyə arasında imzalanan Şuşa Bəyannaməsində nəzərdə tutulan mühüm əməkdaşlıq sahələrindən biri də ticarət-iqtisadi münasibətlərin inkişafı ilə...

“Türkiyədən corab-tuman almaqdansa, birgə müəssisələr quraq” – İqtisadçıdan etiraz

"Türkiyədən idxalın artması ölkədən daha çox valyutanın çıxması deməkdir. Bu isə manata basqıların artması ilə nəticələnəcək. Lirə zatən ucuzdur, ucuzlaşması ...

İdxal edilən avtomobillərin sayı kəskin artıb – “İkinci əl” və ucuz...

2021-ci ildə ölkəmizə avtomobil idxalında artım davam edir. Sfera.az gömrük məlumatlarına istinadən xəbər verir ki, ilk 5 ay ərzində xaricdən 31 220 ədəd ...

Şuşa görüşündən sonra Azərbaycan-Türkiyə ticarəti üçün yeni perspektivlər açılacaq

Azərbaycanla Türkiyə arasında münasibətlərin dərinləşməsi özünü iqtisadi sahədə də göstərir. Ölkəmizə səfərə gələn Türkiyə Prezidenti Rəcəb Tayyib Ərdoğanla Pre...

Neftin qiyməti yüksəlməyə davam edir – “OPEC+” razılaşmasına dəyişiklik ediləcək?

2021-ci ilin mayın 22-dən neft qiymətlərində yüksəliş müşahidə edilir. Qeyd edilən tarixdə dəyəri 64,8 dollar olan "Brent” markalı neftin qiyməti bu gün 73 d...