"Azərbaycan bu məsələdə Berlinlə Afina arasında yaşanmış presedentdən yararlana bilər”

Bu sözləri Sfera.az-a açıqlamasında vurduğu ziyana görə kompensasiyanı ödəyə bilməyəcəyi təqdirdə İrəvanın bunu nə ilə əvəzləyə biləcəyi məsələsinə toxunarkən politoloq Cümşüd Nuriyev deyib:

"Hələlik beynəlxalq məhkəməyə müraciət etməli və onun verəcəyi qərarı gözləməliyik. Azərbaycan tərəfi 8 milyard dollardan artıq dəymiş ziyanla bağlı Ermənistandan kompensasiya tələb edir. İndilikdə bu məsələ ekspertlərin iştirakı ilə dəqiqləşdirilir. Ona görə Azərbaycan tərəfi beynəlxalq ekspertləri də dəvət edib. Bu da ondan irəli gəlir ki, yerli vəkilləri tərəfli olmaqda günahlandıra bilərlər. Qərar çıxandan sonra rəsmi İrəvan vurduğu ziyana görə kompensasiyanı ödəmək gücündə olmasa, onu başqa alternativlərlə əvəz etmək olar”.

Bu mənada həmsöhbətimiz Berlinlə Afina arasında borc məsələsinə görə əldə edilən qərardan ölkəmizin də yararlana biləcəyini düşünür:

"Vaxtilə Almaniya ilə Yunanıstan arasında buna bənzər problem yaranmışdı. Böhran içində olan Yunanıstan Berlindən aldığı borcu qaytarmaq iqtidarında olmadığından qərara gəldilər ki, özünə məxsus üç adanı Almaniyaya versin. Beynəlxalq Arbitraj Məhkəməsinin qərarından sonra dəymiş ziyanın əvəzində Afina Berlinə adaları təklif etdi. Yəni, belə bir presedent var. Azərbaycan da bu presedentdən yararlana, kompensasiyanı ödəyə bilməyəcəyi təqdirdə, Ermənistan qarşısında anoloji tələblə çıxış edə bilər.

Belədə Azərbaycanın dəymiş ziyana görə, kompensasiya ödəmək gücündə olmayan tərəfdən əvəzində müəyyən enlikdə torpaq götürməsi mümkündür. Bu artıq ölkəmizin deyil, Ermənistanın problemidir. Yəqin ki, Azərbaycan məhz torpaq almağa üstünlük verəcək. Düşmən ölkə vurduğu ziyanıödəməlidir, bu onların borcudur və ödəyəcəklər. Ya pul şəklində, ya da əvəzində torpaq verilməsi ilə”.

Elçin

Sfera.az