No Image
No Image

“Yevlax KOB evi” sahibkarların istifadəsinə verildi - FOTO

“Yevlax KOB evi” sahibkarların istifadəsinə verildi - FOTO
 
Azərbaycan Respublikası Prezidentinin rəhbərliyi ilə həyata keçirilən sosial-iqtisadi siyasətə uyğun olaraq, özəl bölmənin iqtisadiyyatda rolunun daha da artırılması məqsədilə sistemli islahatlar aparılır, ardıcıl tədbirlər həyata keçirilir, sahibkarlığa, xüsusilə kiçik və orta biznesə dövlət dəstəyi gücləndirilir. Bu işlərin davamı olaraq, aprelin 8-də Yevlax şəhərində Kiçik və Orta Biznes Evi (KOB evi) fəaliyyətə başlayıb.

İqtisadiyyat Nazirliyindən Sfera.az-a verilən məlumata görə, bununla bağlı keçirilən tədbirdə iştirak edən iqtisadiyyat naziri Mikayıl Cabbarov, Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov və Yevlax Şəhər İcra Hakimiyyətinin başçısı Anar Tağıyev "Yevlax KOB evi”ndə sahibkarlar üçün yaradılmış şərait, dövlət və özəl qurumlar tərəfindən göstərilən xidmətlərlə, KOB evinin foyesində təşkil edilmiş mikro və kiçik sahibkarlıq subyektlərinin, eləcə də ailə təsərrüfatlarının məhsullarından və əl işlərindən ibarət sərgi ilə tanış olublar.

O.Məmmədov məlumat verib ki, agentlik tərəfindən ölkənin şəhər və rayonlarında KOB evlərinin yaradılması həyata keçirilir. "Yevlax KOB evi” artıq biznesin istifadəsinə verilən sayca 2-ci KOB evidir. KOB evləri sahibkarların dövlət xidmətlərinə rahat, maneəsiz və şəffaf çıxışının təmin olunması baxımından effektiv mexanizmdir. KOB evlərinin başlıca üstünlüyü burada sahibkarlara dövlət və zəruri biznes xidmətlərinin vahid məkanda göstərilməsidir. Bu, sahibkarların vaxta və xərclərə qənaət etməsinə, onların daha çox biznesin inkişafı məsələlərinə fokuslanmasına imkan verir.

"Yevlax KOB evi”ndə sahibkarlara vergi, əmlak, kommunal xidmətlərə qoşulma, qida təhlükəsizliyi, kənd təsərrüfatı, reklam, poçt, mənşə sertifikatının, lisenziya və icazələrin alınması üzrə dövlət qurumları tərəfindən xidmətlər göstəriləcək. Burada, həmçinin özəl qurumlar bank, sığorta, lizinq, tərcümə, layihələndirmə kimi zəruri biznes xidmətlərini təqdim edəcəklər. Ümumilikdə "Yevlax KOB evi”ndə sahibkarlara 16 dövlət və özəl qurum tərəfindən 200-dən çox xidmət göstəriləcək. KOB evlərinin fəaliyyəti ilə bağlı artıq müsbət təcrübə də var. Belə ki, 2020-ci ilin fevral ayında Xaçmaz şəhərində fəaliyyətə başlamış ilk KOB evində göstərilən xidmətlərdən sahibkarların məmnunluq səviyyəsi 98 faiz təşkil edir. 2020-ci ildə "Xaçmaz KOB evi” vasitəsilə sahibkarlıq subyektlərinə 21 minədək xidmət göstərilib. "Yevlax KOB evi”ndə yaradılmış KOB İnkişafı Mərkəzində (KOBİM) isə mikro, kiçik və orta sahibkarlıq subyektləri, startaplar və biznes fəaliyyətinə başlamaq istəyənlər üçün təlimlər təşkil olunur.

Qeyd edək ki, Bakı, Sumqayıt, Xaçmaz, Yevlax və Şəki şəhərlərində olmaqla, indiyədək 5 KOBİM sahibkarların istifadəsinə verilib. Ötən il 1200-dək KOB subyekti, startap və biznesə başlamaq istəyən potensial sahibkarlar KOBİM-lərin təlimlərindən, məsləhət və digər xidmətlərindən yararlanıblar. Yevlax KOB İnkişaf Mərkəzində də digər KOBİM-lər kimi, KOB subyektlərinə təcrübəli və peşəkar ekspertlər tərəfindən təlimlər keçirilır, məsləhət və digər xidmətlər göstərilir.



Turan Bank

OXŞAR XƏBƏRLƏR

“Yevlax KOB evi” sahibkarların istifadəsinə verildi - FOTO

  Azərbaycan Respublikası Prezidentinin rəhbərliyi ilə həyata keçirilən sosial-iqtisadi siyasətə uyğun olaraq, özəl bölmənin iqtisadiyyatda rolunun daha d...

AccessBank səhmdarlarının yeni strukturunu açıqlayıb

Bu gün JW Marriott Absheron otelində AccessBank-ın səhmdarlarının strukturundakı dəyişikliklərə həsr olunmuş mətbuat konfransı keçirilib. Bankın İdarə Hey...

Bazarda qiymətlər od tutub yanır: Bahalılıq ən çox hansı məhsullarda nəzərə çarpır? - FOTOREPORTAJ

Yay fəslinin gəlişi bazarda qiymətlərə təsir edib. Fəsli meyvə və tərəvəzlərin qiymətində ötən illə müqayisədə artım gözə çarpır. Xüsusən də ötən illə müqayisəd...

İlham Əliyev TANAP-ın açılışında iştirak etmək üçün Türkiyəyə səfər etdi

Prezident İlham Əliyev TANAP layihəsinin açılış mərasimində iştirak etmək üçün iyunun 12-də Türkiyəyə səfər edib. Sfera.az-ın məlumatına görə, Əskişəhər ş...

Manatdan ŞAD XƏBƏR

Son günlər "AzəriLight” və "Brent” markalı neftin qiymətinin qalxması yerli bazara, həmçinin də valyuta bazarına da müsbət təsir edib. Bu isə manatın daha da ba...

Azərbaycanda “havalanan” ev QİYMƏTLƏRİ: 5 milyonluq evi kimlər alır?

Mart ayında Azərbaycanda mənzil bazarında qiymətləri ucuzlaşdığı deyilsə də, mənzillərin qiymətinə nəzər saldıqda bu ucuzlaşmanı görə bilmirik.  Mənz...